Հերբերտ Ջորջ Ուելս (անգլ.՝ Herbert George Wells, սեպտեմբերի 21, 1866, Բրոմլի - օգոստոսի 13, 1946, Լոնդոն), անգլիացի գրող, հրապարակախոսություն։ Գիտա-ֆանտաստիկ ժանրի բազմաթիվ վեպերի հեղինակ, որոնցից են «Ժամանակի մեքենան», «Անտեսանելի մարդը», «Աշխարհների պատերազմը» և այլն։ Ուելսի ստեղծագործություններից մի քանիսը թարգմանվել են հայերեն:
Ավարտել է Լոնդոնի համալսարանը (1888)։ Կրթությամբ՝ կենսաբան։
Առաջին համաշխարհային պատերազմի տարիներին (1914-1918) Ուելսը եղել է պատերազմական պրոպագանդայի գործուն մասնակից («Պատերազմ, որը վերջ կտա պատերազմներին», 1914)։ Նոր կրոնի՝ որպես մարդկության վերադաստիարակության միջոցի պրոպագանդմանն են նվիրված «Պատմության ակնարկ» (1920), «Պատմության համառոտ ակնարկ» (1922) և պատմությանն ու մանկավարժությանը վերաբերող այլ աշխատություններ։ 1923 թվականին հրատարակել է «Մարդիկ որպես աստվածներ» լուսավորական վեպ–ուտոպիան։ «Նախօրեին» (1927) վեպով Ուելսը հակաֆաշիստական ակտիվ դիրք է գրավել։

Երկրորդ համաշխարհային պատերազմի ժամանակ հանդես է եկել ի պաշտպանություն ԽՍՀՄ-ի։ Ուելսը քննադատական ռեալիզմի շատ խոշոր վարպետ է, նշանակալի ավանդ ունի համընդհանուր գրական պրոցեսում։