Կառլո Լորենցինի, առավելապես հայտնի է Կառլո Կոլլոդի գրական կեղծանվամբ, իտալացի մանկագիր է, հանրահայտ «Պինոկիոյի արկածները» հեքիաթի հեղինակը։

Կառլո Կոլլոդին ծնվել է 1826 Ֆլորենցիայում։ 1848 և 1860 թվականների իտալական անկախության պատերազմների ժամանակ որպես կամավոր ծառայել է Տոսկանիայի բանակում։ Նրա քաղաքական ակտիվ հետաքրքրությունները և հայացքները հետագայում տեղ են գտել նաև վաղ շրջանի գրական գործերում։

Կառլո Կոլլոդին մահացել է 1890 թվականին Ֆլորենցիայում` անտեղյակ իր աշխատանքին սպասվող հետագա փառքի ու հաջողությունների մասին: Կոլլոդին թաղված է Սան Մինիատոյում։

«Պինոկիոյի արկածները» գրվել է 1881-1882 թվականներից, բայց վերջնական տարբերակը որպես գիրք տպագրվել է 1883 թվականին։ Թարգմանվել է ավելի քան 240 լեզուներով և համարվում է բոլոր ժամանակների ամենաշատ թարգմանված ու կարդացված ոչ կրոնական գիրքը աշխարհում։