Անտոն Նոսիկ (ռուս.՝ Анто́н Бори́сович Но́сик, հուլիսի 4, 1966, Մոսկվա, ԽՍՀՄ - հուլիսի 9, 2017, Պիրոգովո, Միտիշչենսկի շրջան, Մոսկվայի մարզ, Ռուսաստան), ռուս լրագրող, հասարակական գործիչ, հայտնի բլոգեր: Երբեմն համարվում է «Ռունետի հայրերից մեկը»: Եղել է Vesti.ru, Lenta.ru, Gazeta.ru և NEWSru.com ինտերնետ-հրատարակությունների խմբագիր: Եղել է Ռամբլեր հոլդինգի և SUP ընկերության բլոգների ծառայության (մասնակցել է LiveJournal ծառայության մշակմանը) նախկին մենեջերներից մեկը, «Помоги.org» բարեգործական հիմնադրամի հիմնադիրներից մեկը: Մինչև 2011 թվականի մարտն զբաղեցրել է Bfm.ru կայքի գլխավոր խմբագրի պաշտոնը: 2009 թվականի հոկտեմբերից եղել է «Объединённые медиа» ընկերության գլխավոր տնօրենի տեղակալ և դրան զուգահեռ զբաղեցրել Bfm.ru գլխավոր խմբագրի պաշտոնը: 2011 թվականի նոյեմբերի 16-ից մինչև 2012 թվականի նոյեմբերի 29-ը Անտոն Նոսիկը՝ որպես մեդիատնօրեն, աշխատել է SUP Media ընկերությունում, որին պատկանում է LiveJournal ծառայությունը:

Բազմիցս այցելել է Հայաստան և ԼՂՀ, Ադրբեջանի՝ որպես անկախ պետության գոյությունն անվանել «ցավալի պատմական սխալ»: Ադրբեջանում ճանաչվել է պերսոնա նոն գրատա: